Proxecto "Fagamos vida sa"

Durante as últimas semanas do 2º trimestre, os nenos e nenas de 6º EP estivemos a traballar nun proxecto moi interesante sobre alimentación saudable e vida sa, na materia de Ciencias da Natureza.

Comezamos coa rutina de pensamento CSI (cor-símbolo-imaxe), coa que fixemos visible o noso pensamento e plasmamos de forma gráfica o que é para nós levar unha vida saudable. A maioría relacionamos este concepto coa alimentación e o exercicio físico, pero ao longo do proxecto fomos descubrindo que tamén hai outros factores importantes.

Continuamos cunha alálise sobre os nosos hábitos diarios, con respecto á nosa alimentación, hixiene persoal, descanso, actividade física... Primeiro cubrimos unha táboa e despois, en gran grupo, analizamos as nosas respostas.

Tamén levamos a cabo a destreza de pensamento "Resolución de problemas". En equipos de cooperativo, intentamos buscar solucións a un problema que está moi presente en diversos países: o sobrepeso infantil. Obviamente, é unha problemática que vén determinada polo estilo de vida sedentario e a mala alimentación de moitas familias. Case todos os equipos coincidimos en que a solución é levar unha dieta equilibrada e facer exercicio semanal, adaptándoo ás nosas necesidades.

Unha das partes máis interesantes deste proxecto foi a relacionada coa análise do etiquetado nutricional de diversos produtos que temos na casa. Cada un de nós seleccionou dúas etiquetas: unha dun produto saudable (cereais, pan integral, iogur natural...) e outra doutro menos saudable (galletas de chocolate, cereais con azucre, lambetadas...). Aprendemos que as etiquetas poden dar moita información importante: os nutrientes que contén o alimento, as quilocalorías, a cantidade de sal e azucre, a caducidade, os alérxenos... Incluso algúns produtos inclúen o que se coñece como "semáforo nutricional". Plasmamos a nosa investigación e análise nunha cartolina individual.

O produto final deste proxecto foi o deseño de propostas de menús saudables en equipos, en forma de tríptico. Cada grupo escolleu pratos e alimentos saudables e completos nun menú de luns a venres, incluíndo almorzo, xantar, merenda e cea. Saíron opcións variadas, sas e saborosas! Para finalizar, expuxemos os nosos menús ao resto dos compañeiros. Aprendemos unha morea de cousas!

Día Internacional da Muller e a Nena na Ciencia

Con motivo do Día Internacional da Muller e a Nena na Ciencia, os alumnos e alumnas de 6º EP fomos convidados polo Concello de Pontedeume, xunto con outros centros da vila, a asistir a un encontro aberto con Clara Correa Paz, unha científica eumesa que é todo un referente para as novas xeracións de investigadores e investigadoras.

No encontro, que tivo lugar na Casa da Cultura, Clara, licenciada en Farmacia pola Universidade de Santiago de Compostela e Doutorada en Medicina Molecular, falounos da súa traxectoria profesional, dos seus logros e das súas vivencias. Tamén nos fixo ver o importante que é que desaparezan as barreiras e os estereotipos de xénero para que as mulleres e nenas non atopen impedimentos e poidan participar en todos os eidos da ciencia.

Foi unha charla moi interesante e moi necesaria! Grazas, Clara! 💜

Traballamos en equipo

Os nenos e nenas de 6º EP xa levamos tres semanas aprendendo xuntos nos novos equipos de traballo cooperativo. Ao inicio de cada trimestre, elaboramos o plan de equipo, a través do cal fixamos os nosos obxectivos de aprendizaxe e os nosos compromisos persoais. Deste xeito, asegurámonos de que cada membro cumple a súa función para poder traballar e aprender en harmonía.

Ademais, en todas as materias seguimos levando a cabo dinámicas de cooperativo en determinadas actividades, nas que todos e cada un de nós aportamos ideas e respectamos as dos demais.

Aquí vos deixamos imaxes dunha tarefa que fixemos a semana pasada na materia de Ciencias Socias: un folio xiratorio a través do cal repasamos o relevo de Europa.

Genially: repasamos contidos con xogos interactivos

Os nenos e nenas de 6º EP somos conscientes do valor educativo das novas tecnoloxías e sempre as empregamos de xeito responsable. 

Para reforzar contidos dos últimos temas estudados en Ciencias Socias e Ciencias da Natureza, a finais do primeiro trimestre estivemos a traballar a través de Genially, unha ferramenta en liña de creación de contido interactivo.

En equipos de cooperativo, xogamos a un xogo de mesa virtual para repasar os climas e as paisaxes e a un escape room moi divertido sobre o corpo humano. Deste xeito, divertímonos estudando e traballando xuntos!

Proyecto de Educación en Valores: Wonder

Este curso, los niños y niñas de 6º EP tenemos una nueva materia: Educación en Valores Cívicos y Éticos. Durante el primer trimestre, trabajamos contenidos de la misma mediante un pequeño proyecto basado en la película Wonder, en la que se trata la lucha para superar las adversidades y conseguir quererse a uno mismo a través de los ojos de Auggie, un niño que padece el síndrome de Treacher Collins.

Fue muy interesante ahondar en nuestras emociones, en la amistad y el problema que supone el acoso escolar. Aprendimos nuevos valores y compartimos sensaciones e ideas propias con nuestros compañeros.

Finalmente, plasmamos todo lo trabajado en un bonito mural que colocamos en el pasillo de nuestra planta. ¡Mirad!

Describimos lugares especiais

 Este primeiro trimestre, dende a materia de Lingua Galega estivemos a traballar as descricións, tanto de persoas como de obxectos e lugares. Por unha banda, practicamos a estrutura dun texto na escrita, coidando moito a ortografía, a puntuación e a redacción deste tipo de textos.

Ademais, tamén tivemos ocasión de expoñer de forma oral aos nosos compañairos unha descrición detallada dun lugar familiar para nós. Algúns escollemos a nosa vila (Pontedeume ou As Pontes), outros optamos por cidades espalladas por toda a xeografía española, dende Madrid a Córdoba, e outros preferimos lugares un pouquiño máis afastados, como Venecia, Oporto ou París.

Despois de redactar por escrito dita descrición, elaboramos un Canva personalizado e expuxemos o noso traballo aos nosos compañeiros. Houbo tamén tempo para unha quenda de preguntas despois de cada presentación, pois os demais compañeiros tiñan curiosidade por saber máis cousas sobre os nosos lugares. Aprendemos datos interesantes, que é do que se trata!

Working on superlatives

En clase de inglés de 6º EP hemos estado trabajando los adjetivos en grado superlativo. Para aprender a diferenciar los tres tipos (largos, cortos e irregulares) usamos las palmas, dando golpes de sílabas en gran grupo.  Además, los identificamos de forma oral, aprendimos a formar el grado superlativo y repasamos también con fichas interactivas, entre otras actividades. Por último, realizamos un mural entre todos, en el que cada alumno escribió tres oraciones empleando el superlativo de los diferentes tipos de adjetivos.